新一代豐田 Sienta 內外觀預測

第二代豐田 Sienta 推出市場已經有 6 年,新一代大改款亦已有傳正在開發中,預計今年第三季左右正式登場。

新一代 Sienta 繼續採用小型七人車佈局設計,換上豐田嘅 TNGA-B 平台,可以令車身更加輕量化外,亦都可以喺車架剛性上有所提升,從而加強在操控性。而喺新平台下,有傳頭尾軸距能夠拉長 20mm,為車廂提供更加好嘅乘坐空間。

動力部份估計使用同 Yaris 大致相同嘅 1.5 公升直列三缸 Dynamic Force 汽油引擎,最大馬力 124 匹。而 Hybrid 版本嘅油耗率就預計可以使到每公升行走 30 公里。隨住豐田月前公佈旗下電動車生產藍圖,相信除咗普通 Hybrid 版本之外,Plug-in Hybrid 同純電版本都會於稍後登場。

而近日日本汽車傳媒《最新自動車情報》就傳出新一代 Sienta 車廂設計,同 Yaris 風格類似。新車將會換上全新儀錶板以及大尺寸中控台螢幕。10 吋嘅中控台螢幕預設有 Apple CarPlay 功能,儀錶板就採用雙圈式數碼螢幕顯示,搭載中間嘅資訊顯示屏。而喺司機位前方設有大約 10 吋嘅抬頭顯示屏(Head Up Display),中控台亦有供手提電話充電嘅無線充電裝置等等。

新車推出後,相信對本田 Freed 有相當威脅!

Be the first to comment

Leave a Reply

Your email address will not be published.


*