荃灣路荔景新出口日日撞，預咗㗎啦

作為近呢十幾廿年期間，幾乎每日都有揸車，係唔止揸私家車，仲有係長度逾11米嘅巴士，經過呢段路嘅司機，呢幾日係咁撞，真心講，預咗㗎啦 (我無事算好彩)。

到底有乜嘢問題？

1. 先講最新鮮嘅近因，真心想講，路政署要負好大責任 ~ 啲火位線新舊重疊，舊嘅唔係徹底鏟晒佢，甚至重鋪路面再畫過

唔好話嗰啲 seven-head drivers，連我呢個接近30年牌嘅「老司機」呢幾日都爭啲睇錯線，無事無幹真係憑經驗加啲啲運氣

2. 揸車嘅成堆 ON NINE SON 司機，尤其是以為 no matter Google Map 或高德地圖導航可以全盤依賴嘅嗰啲

若果由屯門公路駛至，或是由大涌道上橋嘅，好多時會為咗避開「晉昇橋底」嘅打交，會行到最右線，但GPS 本身唔會 detect 到你行緊邊條線，然後的，如果係打算上三號幹線的話，導航唔會早到响興芳路上面就提你要過方中線甚至左線先至上到去三號幹線

再然後的，去到見到 Road mark (如果仲有呢啲意識) 只往葵涌道，先至一如學車時師傅教落「有乜事就踩迫力」，咁咪串燒囉

3. 仲有一啲懶醒地滿腦子「車速跟路牌就可以**除了往左邊出口以外靠右駛**」嘅 Lun-Deal 司機，no matter 是否依賴導航，都係去到就到雙白線嗰個位先至發覺「日本 JR 車站 Seno」，然後不論是否打算夾硬 Cut 雙白，總之又係下意識踩迫力，咪一樣串燒囉

4. 介乎前華基工業中心至興芳路之間一段荃灣路嘅畫線，無錯真係有咁嘅必要，但結果就導致呢個新路口設計變成 OnL799 囉。而還原基本步，為咗解決興芳路上荃灣路嘅擠塞問題，係咪得呢個設計方法呢？

5. 仲有一個唔係揸開大車唔會諗到嘅問題 ~ 無論响「晉昇橋底」嗰段行左線，還是右線while 過咗雙白就過返中線，去到「新路口」之後，就變成最右線。想問吓新界南交通部會唔會打算日日响港鐵橋底擺檔捉「快速公路不准行駛最右線的中重型貨車、巴士、P牌」為庫房增加公帑收入呢?

但要是過咗「晉昇橋底」之後嘅最左線落興芳路嘅車龍之後，又要再CUT 多一條線係咪有足夠空間呢？再又例如KMB 58X、59X、60X 之類過荔景站之後就要向右 Cut 線，變相增加咗風險，touch wood 的話，司機要返office 寫薯仔文，請問 HYD、TD 或警務處嘅文職人員係咪可以代勞呢?!!!!?!!?!?!!!!?????

正所謂個新出口唔起都起咗，唔該 HYD、TD 負返應負嘅責任，盡速搞返掂好晒所有路標。唔止新路口嗰啲，應該由「晉昇橋底」開始重新設計。因為荃灣路嘅設計就係有根本性質問題。

不過咁，唔好俾我估中，TD and/or 嗰啲可能連駕駛執照都無嘅垃圾政客又衝出嚟講啲例牌的「收緊車速限制，70改50甚至30」「要求警方加強執法」嘅廢話。N年嚟，有邊次啲交通意外之後，啲公務員同政客唔係淨係識得 9UP 呢堆廢話吖? 一味講車速喎，我話嘅 ~ 最安全車速係0