保時捷推出直至 2035 年嘅全新營運策略

全新跑車、更獨特、更強盈利能力：保時捷股份有限公司2026年10月7號推出名為「Sportwagenschmiede ’35」嘅策略，聚焦喺中期抱負，致力透過新產品同埋新技術，進一步突顯同埋擴展保時捷跑車身份；透過改善產品組合嘅價格以及銷售定位，並且結合成本削減計劃以及更精簡、更敏捷嘅組織架構，預期將會帶嚟具吸引力嘅盈利能力同埋淨現金流利潤率，降低資本密集度。

「Sportwagenschmiede ’35 」—— 源於對跑車嘅熱愛：呢個就係斐迪南·保時捷榮譽工學博士股份有限公司（Dr. Ing. h.c. F. Porsche AG）喺威薩研發中心（Weissach Development Centre）舉行嘅資本市場日上發表策略性重組嘅主題。最高目標係鞏固保時捷作為最具魅力跑車製造商之一嘅地位，而呢個目標嘅基礎在於嘜頭獨特嘅定位。憑藉同時服務運動型豪華同埋運動型高端尊貴（high-end premium）市場嘅產品，保時捷能夠喺汽車市場嘅頂端實現高回報，同時受惠於更大規模嘅協同效應。過程中，保時捷未來將繼續秉持「價值高於數量」（Value over Volume）嘅原則。結合更精簡、更快速、更靈活嘅組織以及更高效嘅流程，目標係大幅降低盈虧平衡點，實現銷量少於 20 萬架都可以達到平衡。

中期而言，保時捷目標係實現集團營業銷售回報率（operating return on sales）達到 10~15%，而汽車業務淨現金流利潤率（Automotive net cash flow margin）就達到 9~12%。長期策略目標就係集團營業銷售回報率 15%，以及汽車業務淨現金流利潤率 12%。

保時捷股份有限公司執行委員會主席 Dr Michael Leiters 表示：「我哋正透過『Sportwagenschmiede ’35』策略推行清晰計劃。最終目標係進一步鞏固我哋獨特嘅跑車嘜頭——橫跨所有車系，並且喺利潤特別高嘅細分市場推出極具吸引力嘅全新車型。我哋嘅策略將為保時捷奠定基礎，分3個階段令公司變得更具效率、生產力同埋盈利能力。目前，主要工作係削減成本同埋增強公司嘅財務穩健性。我哋已經達成咗一啲重要嘅里程碑。」

例如，管理層已經同員工代表達成1項「未來一攬子計劃」（Future Package），除咗以社會責任做前提裁減 9 000 個職位之外，仲承諾保障核心員工嘅職位直至 2035 年。作為聚焦核心業務嘅一部分，多項關鍵舉措亦已經實施，其中包括出售 Rimac 同 Bugatti Rimac 嘅股份、簽署出售 MHP 顧問子公司嘅協議，以及計劃關閉 Cellforce Group、Porsche eBike Performance 同埋 Cetitec 嘅研發、生產活動。

此外，保時捷將受惠於擴展後嘅產品組合。首先係純電動 718 Boxster 同埋 Cayman 車型，預計喺 2028 年首個完整生產年度為銷量提供支持。同樣喺 2028 年會推出一款 B 級別嘅全新 SUV，並且同現有嘅純電動 Macan 同期銷售。呢款配備內燃機同埋插電式混合動力系統嘅新車，預計喺 2028 年開始量產後， 2029 年對銷量同埋盈利能力作出顯著貢獻。隨後將會推出更多新產品，主要集中喺利潤特別高嘅 D 級同埋 E 級市場，預期進一步提升盈利。

Dr Leiters 表示：「我哋嘅策略非常專注喺中期目標，以便各項措施同埋相關成果可以盡早發揮作用。選擇『Sportwagenschmiede』（跑車工坊）呢個詞係經過深思熟慮嘅，因為佢涵蓋咗保時捷未來力求代表嘅一切：我哋喺每個細分市場提供最動感車型嘅願景，仲有工匠精神、務實思維，以及以業務為導向、具企業家精神嘅行動。我哋嘅目標係對所有持份者——我哋嘅客戶、員工、合作夥伴同投資者——都極具吸引力。」

「Sportwagenschmiede ’35」策略喺保時捷資本市場日上分為5個章節進行概述，分別係：

嘜頭與客戶（Brand & Customer）
產品與技術（Products & Technologies）
企業與營運（Enterprise & Operations）
賦能因素（Enabler）
財務雄心（Financial Ambitions）

嘜頭與客戶

保時捷正進一步突顯作為跑車嘜頭嘅身份。過程中，保時捷繼續堅守「價值高於數量」嘅指導原則。品質係保時捷取得經營成就不可或缺嘅基礎——無論喺產品定係服務方面都係咁。畢竟，呢點先至係最直接引起客戶共鳴嘅地方。

保時捷嘜頭嘅特點尤其體現喺設計、獨特、性能、傳統、駕駛樂趣。呢啲特質構成咗保時捷獨特定位嘅基礎。
其他製造商做唔到嘅係，保時捷成功跨越運動型高端尊貴同埋運動型豪華市場，佔據咗獨特嘅定位。呢個定位將會持續發展，以便繼續為客戶提供具吸引力嘅入門選擇，同時針對性更高利潤、更獨家嘅細分市場擴展。
保時捷計劃透過擴展個人化選項以及喺更高價值細分市場擴大產品組合等方式，將嘜頭定位提升到更高水平。透過呢種方式，保時捷希望喺中期內將頂級車型嘅平均售價提高約 20%，並且獲得相應嘅產品實質內容支撐升價。
保時捷希望有系統咁擴展個人化產品系列，目標係喺中期內顯著增加每架車嘅選配收入（option revenue）。透過「Sonderwunsch」特別願望計劃，Porsche 計劃擴大高度個人化嘅車輛產品系列。中期內，保時捷想將呢項業務嘅銷售額提升6倍。呢啲舉措有助於進一步提升保時捷有幾吸引同埋獨特。
未來，保時捷將旗下營銷業務歸納做3大範疇：性能（Performance，包括 Manthey）、尊貴（Exclusiveness，Sonderwunsch 以及 Exclusive Manufaktur）以及傳統（Heritage），並且統一收納落「Home of Sports Cars」呢個總稱下面。排喺產品前沿嘅係成熟嘅 Sonderwunsch 計劃，仲會進一步擴大規模。

保時捷正透過將 Manthey Racing GmbH 嘅持股比例增加到 67%嚟加強「性能」業務。呢個舉措將深化同紐伯靈（Nürburgring）賽道跑車專家嘅成功合作。雙方嘅聯合產品將進一步擴展——由性能套件、獨家賽道體驗，以至微量生產（few-off）細分市場嘅完整車型概念。
此外，保時捷希望透過一項品質倡議實現2個目標：進一步提升客戶所感知嘅產品同埋服務質量，同時喺中期內將保修成本降低最多 45%。

產品與技術

保時捷嘅目標係令車型變得更加獨家同埋吸引。為此，保時捷正專注喺調整車型衍生版本（derivatives）嘅數量，仲將產品組合更緊密咁對準具吸引力嘅高端市場。明確目標係喺競爭嘅每一個細分市場中提供最具動感嘅車型，同時喺所有車系中更強烈咁強調 911 嘅基因。

更聚焦嘅產品組合同埋更高嘅效率：保時捷目標係透過將減少約 20% 嘅車型變體（model variants）嚟降低產品組合嘅複雜性。預期咁樣做將會喺中期內令每個車型變體嘅銷量提高約 30%。
轉向高利潤嘅 D/E 級市場：保時捷希望加強喺上層兼且更具韌性嘅 D/E 級市場中嘅存在感——中期目標係將 D/E 車型喺整體產品組合中嘅佔比提高大約 45%。
更獨家嘅光環產品（halo products）同埋旗艦衍生版本：保時捷宣佈開發1個中置引擎超級跑車平台，仲將推出1款定位喺標誌性 911 跑車之上嘅車系。
此外，D 級市場中嘅 911 產品系列將透過極具情感色彩嘅 911 衍生車型得到加強。
保時捷亦正探索喺 Cayenne 之上推出一款 D 級 SUV 嘅可能性——旨在提升產品組合嘅吸引力、獨特性同埋盈利能力。

極具吸引力嘅產品組合：到 2030 年，保時捷計劃每年推出至少1款定義嘜頭嘅全新產品。連同現有車系嘅額外產品升級，奠定一個比以往任何時候都更能體現獨家、感性、唔會認錯嘅保時捷跑車體驗嘅產品組合嘅基礎。
保時捷堅持三管齊下嘅動力系統策略，更專注喺客戶需求，仲進一步發展動力系統戰略。保時捷宣佈對定義嘜頭嘅內燃機/PHEV 動力系統以及下一代電池技術進行投資。
憑藉定義嘜頭嘅技術，創造每一個保時捷相關細分市場中最具動感嘅汽車：保時捷正喺所有雙門同埋四門車系以及所有動力系統概念中加強跑車基因。
同強大夥伴合作嘅具韌性平台策略：保時捷正透過使用 PPE 同埋 PPC 平台深化同奧迪嘅合作，將能夠更有效利用開發資源，同時透過各嘜頭專屬嘅技術同埋特色，保留每個嘜頭嘅獨特個性。

企業與營運

保時捷同價值創造嘅中期目標：保時捷透過令組織同埋流程變得更快、更靈活、更具生產力嚟降低盈虧平衡點並且增強抗風險能力。保時捷正在縮短開發時間，並且善用採購方面嘅協同效應，降低生產成本並且優化銷售結構。

保時捷目標係將未來車型系列嘅開發成本削減最多 20%。呢點主要透過大幅縮短開發時間、擴大內部產能、採用更模組化嘅開發流程以及減少各車型系列之間嘅複雜性嚟實現。
子公司 Porsche Engineering 同埋 Porsche Digital 將合併做 Porsche Technologies。呢次合併旨在加強保時捷嘅全球開發能力，目標係以更低成本更好咁利用全球專業知識。
保時捷計劃喺中期內將生產部門嘅人事成本削減最多 30%。進一步嘅潛力嚟自改善流程、以生產為導向嘅產品設計，以及喺同一條生產線上靈活生產唔同車型。
打算喺中期內透過更高效嘅組織架構降低 20% 嘅銷售同埋分銷成本——例如將銷售地區由5個減到4個、推行成本效益更高嘅銷售流程，以及提升分銷商同埋銷售組織嘅效率。
推出1項全面嘅物料成本計劃，旨在令新車項目嘅單個材料成本比以往計劃降低約 10%。呢點特別透過增加通用零部件嘅比例、聚焦喺突顯嘜頭差異化嘅範疇，以及增加夥伴以及集團網絡內部嘅協同效應來實現。

賦能因素

賦能因素係「Sportwagenschmiede ’35」策略3大支柱嘅基礎。其中「未來一攬子計劃」喺其中扮演關鍵角色，因為計劃中同意嘅措施有助削減人事成本同埋提高生產力。

精簡嘅管理架構同埋更快嘅決策旨在令公司變得更敏捷、更有效率。呢方面，保時捷正計劃採取以下措施：

管理職位將喺中期內削減 40%。
整體嚟講，直接同埋間接職能部門嘅員工總數將喺中期內削減 25%——戰略目標就係 30%。
此外，由於實施「未來一攬子計劃」嘅相關措施，人事成本將削減大約 10%。
保時捷對表現、個人責任同埋有助集體成功嘅貢獻給予獎勵。因此，獎金同埋特別津貼將會更緊密咁同個人對公司財務成功嘅貢獻掛鈎。此外，保時捷計劃向委員會提議 2028 年引入員工股份計劃。

財務雄心

憑藉「Sportwagenschmiede ’35」策略，保時捷旨在增強競爭力，加強聚焦喺「價值高於數量」，並且進一步提高資本效率同埋現金創造能力。保時捷嘅雄心係收入增長超越銷量增長、盈利增長超越收入增長，而現金創造就實現超比例增長。負責財務同 IT 執行委員會成員 Dr Jochen Breckner 解釋：「改善目標盈利能力同埋現金創造係建基於更高嘅單價、更具吸引力嘅產品組合，以及持續更高效嘅成本同資本基礎上。」中長期嘅策略財務雄心正係呢啲優先事項嘅直接結果。

「Sportwagenschmiede ’35」策略正推動保時捷嘅盈利能力、資本效率、現金創造。喺中期內，保時捷確認集團營業銷售回報率達到 10~15% 嘅雄心。
此外，保時捷依家已經為自己設定咗中期汽車業務淨現金流利潤率達到 9~12% 嘅目標。除咗已經考慮咗依家已知負面因素嘅穩健規劃外，呢個目標係建基於提高盈利能力同埋降低資本密集度嘅結合，從而結構性咁改善現金轉換率。
要達到呢啲目標嘅上限，需要有更好嘅宏觀經濟、地緣政治同埋監管環境，仲要成功實施進一步嘅價值創造舉措。
集團銷售方面，保時捷目標係喺中期內達到 410~450 億歐元。
作為長期策略目標，保時捷嘅目標係實現集團營業銷售回報率達 15%，以及汽車業務淨現金流利潤率達 12%。
強大嘅現金創造為公司創造咗額外嘅策略同埋財務靈活性，以投資喺核心業務、透過潛在嘅額外養老金資金進一步加強資產負債表，並且向股東提供具吸引力嘅派息。股息政策嘅目標係稅後綜合淨利潤 50% 或以上嘅派息率。
「Sportwagenschmiede ’35」策略旨在令保時捷喺結構上更具抗風險能力。盈虧平衡點預期喺賣出少過 20 萬架汽車嗰陣都達到——而呢個目標係建基於對中國市場非常保守嘅預測。
保時捷透過設定佔汽車收入 15~20% 嘅淨流動性目標，確保擁有強大嘅資產負債表。
繼預期 2026 年達到投資峰值後，研發方面嘅投資同埋支出預期將喺中期內顯著下降。目標除咗係實現較低嘅投資水平，仲包括以更強大嘅支出紀律實現更聚焦嘅方法。

保時捷「Sportwagenschmiede ’35」策略詳細內容網站