福士新一代 Transporter　更見科技感

近日，網上流傳幾張福士（VolksWagen）第七代客貨車 Transporter（T7）嘅路試諜照。同之前其他媒體影到嘅路試諜照唔同，今次 T7 已經將偽裝貼紙撕走，基本上以真面目出現喺大家眼前。

新一代 Transporter（T7）基於福士嘅 MQB 平台設計，一如以往將會推出客貨車版同 MPV 版兩款車型。從外觀上睇，新車最大繳動可以話係採用咗雙A柱設計，令A柱盲點進一步減少。而車頭部分亦採用咗第八代 Golf 嘅精髓，配合最新嘅家族式設計語言。分層式嘅鬼面罩副有動感，上層鬼面罩同兩邊車頭大燈相連，增強咗新車車頭視覺上嘅寬感。而下層氣壩就採用近乎貫穿式設計，顯得更有層次感。

車身側面世襲返之前一代 T6 嘅方正造型，顯得特別硬朗，平直嘅上腰線一直貫穿車頭至車尾。搭配多輻式輪轂，睇起上嚟更見穩重。車廂內飾亦可能受到新一代 Golf 嘅啓發，新車嘅液晶儀錶板同中控台上嘅多媒體顯示屏將會採用相連外殼，兩個屏幕中間疑似波棍嘅撥片，軑盤使用三幅式設計，配有多功能按鍵，整體嚟講科技感絕對比 T6 大有進步。

動力上仲未有官方公佈，但估計新車除咗會推出電油同柴油版本之外，仲會推出PHEV插電混動版本。新車將於2021年正式上市。