東涌逸東邨私家車剷上行人路 報稱有途人被撞傷

2022年10月2號夜晚10點幾，一架私家車喺駛經東涌逸東街轉入逸東邨嘅時候，失控剷上行人路，撞入寶逸樓下面嘅行人斜道。

根據附近居民嘅講法，涉事嘅司機並無受傷，但到場嘅警員向喺封鎖線外嘅車主表示有一名途人被私家車撞倒，事後救援人員到場為傷者治理。

另外有居民指，涉事嘅私家車係區內一間位處鄉村嘅餐廳平時接送顧客嘅車輛。