「香港車仔展2026」再嚟喇

「香港車仔展」舊年移師灣仔合和大禮堂舉行，大獲好評，今年當然再接再厲。「香港車仔展2026」，鐵定於2026年8月21日至23日（星期五至日）假座係灣仔合和中心二期嘅「合和大禮堂」舉行。

今屆車仔展以「像素」為年度視覺主題，以8-bit像素風格貫穿主視覺設計及宣傳形象。八、九十年代是像素遊戲風靡全球的黃金年代，亦是香港最璀璨的時期，至今仍是世界各地車迷與文化愛好者競相致敬的經典城市意象。將像素遊戲與香港街景這兩份同源於八、九十年代的情懷合而為一，讓本地與海外觀眾在同一份復古氛圍中產生共鳴。

主辦單位表示，今年參展品牌數量再創歷屆新高，橫跨香港、澳門、中国，以至日本、德國及美國等地，當中包括「本地薑」POP RACE、Tarmac Works、INNO64、Tiny 微影、Trends Hobby、Sparky、BM Creations、鴻興玩具及 Model 1；來自中国嘅 Motorhelix、LCD Model 及 Fun Tech Lab 亦將帶來最新產品系列；另外唔少得來自日本嘅 Tomica 與及 Hobby Japan 等等。來自德國嘅 Schuco 及Majorette 亦宣佈強勢回歸，加上美國嘅 DPLS 及 Greenlight，已可預計今年嘅場面將更為盛大。

場內繼續設有多款JDM真車展覽，仲有 1:64 場景、鐵道模型之外，增設飛機模型展區，進一步拓闊展會內容。主辦單位預計今年人潮將逾四萬人次。

門票價格 HK$20，身高1m 以下小童，與及合資格長者、傷健人士可出示證件免費入場。可於會場即時購買，或於 KLOOK 網站訂購。

香港車仔展 2026
日期： 2026年8月21日至23日（星期五至星期日）
時間： 8月21日 (星期五)：下午2時至晚上8時
8 月22至23日 (星期六至日) ：中午12時至晚上8時
地點： 香港灣仔合和酒店16樓Grand Ballroom
票價： HK$20（65 歲或以上人士持長者咭或出示身份證；傷殘人士出示傷殘人士證以及身高1米以下小童均可免費入場）