因為國情同消費者獨特取向，中国新能源汽車嘅發展同埋銷售數字，遠超世界各個國家。Honda（本田）即將喺今個月尾嘅北京車展上推出全新嘅電動車品牌——燁（Ye）。「燁」系列初推出有三車型：燁 P7、燁S7電動SUV，同燁 GT Concept概念車。前兩款車預計喺今年尾開售，而燁GT就要等到明年先亮相。唔止咁，本田亦預告喺2027年會推出六款全新車型，同e:N系列一齊擴大佢哋喺中国市場嘅電動車陣容。
本田表示，所有燁系列車款都會使用先進嘅Architecture平台，同埋換上全新款無邊框H廠徽，展現品牌嘅獨特風采。「燁」呢個名字寓意閃耀，所以設計同外觀上會著重咗鮮豔嘅塗裝同獨特嘅細節，帶俾大家視覺上嘅震撼。
雖然動力方案仲未公佈，但本田已經透露燁 P7同燁S7電動SUV會提供單摩打後驅同雙摩打四驅嘅選擇，前者會注重極致運動性能同操控性能，而四驅版本就會提供更高功率同靈敏嘅表現。至於燁GT Concept概念車，將喺明年開始量產，佢有更尖銳嘅車頭造型、獨特嘅頭燈設計同埋寬闊嘅車身。更加令人興奮嘅係，佢係本田第一款為副駕駛席提供大螢幕嘅產品，帶俾車主更佳嘅「終極駕馭體驗」。
本田燁 P7、燁S7同燁GT Concept概念車將會喺北京車展上盛大亮相，會由東風本田同廣汽本田分別負責生產。預計到2027年，本田將會喺中國市場推出共十款電動車型，其中六款屬於燁系列。立即加入本田電動車嘅行列，體驗未來出行嘅無限可能！
但係筆者「介意」嘅，就係佢「燁」字嘅標誌，點解睇嚟睇去都係睇到「火化+」？！不如試吓用返正體中文字，效果一定會好好多！
Be the first to comment