揸緊車地震點算？台灣氣象局教晒你

今早 07:58 台灣花蓮發生黎克特制7.2級大地震，响過去幾小時持繼5級以上餘震，幸好小弟同本台眾人身在香港，與及暫時聯絡到在台灣的親朋好友全部平安，包括响蘇澳嘅計程車博物館嘅所有人都安然無恙。

我有試過去台灣遇上地震，租車自駕亦是家常便飯，但兩樣同時發生就托賴未試過。不過，萬一真係揸緊車遇上地震，我個腦入面都大約知道要點樣應對，但始終未真係遇過，好多人會認為唔夠說服力的嘛。再者，呢啲危難關頭，一個會向人民負責任嘅政府必定有晒程序指引教點樣做。台灣氣象局亦乘勢再次發佈指引

其實同平常遇上緊急情況嘅處理方式相同概念，最主要就係冷靜同鎮定 & 唔好貿然大腳踩迫力。只不過有多一樣嘢要準備，就係睇吓有無空曠地方可以停低架車同落車暫避。

當然，例如當年日本神戶大地震成條天橋倒冧，又或者好似今次台灣地震响蘇花公路近清水斷崖一段成截路基崩塌、大石碌落山，又真係天意難違。只能夠話，做足自己能力範圍可做嘅一切，其餘嘅就交返俾個天。

在此，向台灣嘅朋友，尤其是居住花蓮、宜蘭的，致以慰問。