【野生捕獲】比亞迪 e6 的士出牌了

早前本台試乘介紹嘅比亞迪e6 的士,日前有友好响港島「野生捕獲」。

Photo by Ben Chan
Photo by 「電車佬」

收到「報料」之後,我哋就聯絡代理 Stanley 查詢了解,佢話確實係第一架出到牌,係一間的士車行買入,主要駐紥港島。「據知都有司機租用,反應尚算可以啦」。

當然問到叉電嘅問題,雖然今代 e6 可以用公眾停車場嘅叉電位,但始終港島區嘅叉電位供應比較緊張。Stanley 佢哋話目前車主會安排架車返車行叉電。另一方面亦繼續同業界、政府溝通可以物色到更多地方可以裝設充電樁位。

實際使用情況如何就留待稍後跟進,尤其是電池方面的,始終要在最少兩三個月後才可以較實在、客觀的評估可靠性。但從網上流傳嘅資訊,相對試乘介紹內容都似乎有啲出入,尤其是「加速唔係好夠力」呢個講法。事關問返 Uncle Lim 同判官,佢哋都話叫 Stanley 「俾腳堅嘅嚟睇吓」真係「黐背脊」。或者個別嘅行業持份者仍然熱衷編造例如「無零件、好易壞、好難整」之類謠言試圖繼續慣性收視吧?!

「BYD 比亞迪 e6 電動的士 未出牌都坐吓先!造工質素估你唔到 」節目畫面截圖
(可點擊圖片收看片段)

不過,關於「流傳」指充滿電續航距離只得約400km嘅講法,雖然同本台當初估計的相差不遠,但始終都同比亞迪廠方聲稱嘅略有出入,似乎代理同廠方有需要再緊密的跟進車輛嘅使用情況及評估可有需要作出改良。

如果有幸遇上並乘搭,不妨透過本台 Facebook page PM 或電郵 hkcarchannel@gmail.com 分享一下。

1 Trackback / Pingback

  1. BYD 比亞迪車展 at 將軍澳中心, ATTO 3 之外仲有... - HK Car Channel 汽車台

Leave a Reply

Your email address will not be published.


*