鎖車鎖得咁老定? 索性車位加認證!

是咁的,署名鄭榮枝嘅朋友仔之前喺香港機場情報專區貼咗一張相片,攝於2020年3月22號大約1150時…

當時有一架警車停泊喺香港國際機場禁區入面一個預留畀入境事務處用嘅車位,香港機場管理局有職員就依照指引,喺警車車頭擋風玻璃揳警告信,同時按程序「鎖車」。

事後作為香港國際機場「城管」大佬嘅香港機場管理局「跪低」,指局方職員「誤會」咗,所以「錯誤」鎖咗「執行職務」嘅警員用車。

當時仲盛傳「皇軍」被人落佢哋面而怒氣難消,要「城管」炒咗「鎖車」嘅職員,當然「城管」大佬就話「無啲咁嘅事」啦!

只不過,邊會完全不了了之㗎 (=_=)

2020年4月7號下晝1點幾,鄭榮枝再喺香港機場情報專區貼出相片…嘩…hi auntie…

香港機場管理局竟然係決定將涉案車位「出讓」埋畀警方使用!

對於「城管」今次突然「霸氣盡失」咁對「皇軍」讓步,有香港國際機場嘅員工直接形容呢個舉措係「喪權辱國」、「割地賠償」!(兄弟,好似話,「皇軍」有槍有炮,「城管」赤手空拳,you no gun好似要認命

違泊到可以變合法車位…唔知小橋點睇「法治有險可守」呢?驚唔驚下次係drive the car over your live body?

(如果連「違泊就要鎖車」都捍衛唔到,又點確保到香港國際機場安全同有效運作?)

Be the first to comment

Leave a Reply

Your email address will not be published.


*