提起「雪糕筒」（唔係____食甜筒嗰啲），其實大家喺街上面都經常見到，有時仲嫌佢阻碇，可能都唔會有幾多人留意佢哋。
香港有本土插畫師喺網絡社交媒體開過1個叫「街頭爆王」嘅專頁，其中有1個角色叫「薛高統」，就係用「雪糕筒」做創作原型。
香港同時亦有模型商推出類似商品…
至於一海之隔嘅臺灣，原來都有人鍾情於「雪糕筒」，而是仲影低咗周圍唔同狀況嘅「雪糕筒」擺上網公諸同好。
講返香港，其實有個研究道路標誌設計嘅道路研究社，近來仲獲香港電台訪問添！
《香港故事─追尋人生》路牌男孩【#監獄體】因為喜歡，所以發現。#邱益彰（Gary）今年23歲，細個被確診患輕微亞氏保加症。自細鍾意坐車嘅Gary，着迷於窗外嘅路牌。大個之後，佢發覺 #路牌 嘅設計已經改變，尤其係字體嘅造型。香港過往由在囚人士手造嘅路牌字體漸漸被取代，Gary將呢種過氣嘅字體命名為「監獄體」，仲走遍全港紀錄依然存在嘅監獄體路牌，決心重整一套「監獄體」字庫。因為路牌，佢結識咗志同道合嘅朋友；亦因為路牌，佢體會咗人生第一次出書、辦講座及工作坊。路牌指示人方向，亦指示咗 Gary嘅人生。聽晚（星期六）9pm #港台電視31 嘅《香港故事─追尋人生》，有屬於香港嘅監獄體！https://www.rthk.hk/tv/dtt31/programme/hkstories46
Posted by RTHK 香港電台 on Wednesday, March 18, 2020
大家又有無考慮再次細心留意吓路上嘅標誌同器材呢？
可以再講多一樣嘢，現時擺放「雪糕筒」係純人手操作，香港路政署其實喺2019年1月批出標書畀香港生產力促進局，研究點樣可以用機械臂協助工人…大家又點睇？
Be the first to comment