平治淺水灣影灣園充電設施正式開幕，特色服務盡顯氣派

今日（17日）中午時間，平治香港於香港上海大酒店旗下物業淺水灣影灣園嘅全新電動車充電設施正式開幕。

今次淺水灣充電站由外觀以至設施望落都同以往 係其他商業大廈內嘅設施一模一樣，點解又要出篇文嚟介紹呢？ 其實今次平治喺影灣園所提供嘅係一個升級服務。平治EQ系列嘅車主，只要去 影灣園內嘅露台餐廳/香辣軒訂檯食飯時，同餐廳講需要預訂代客泊車及平治嘅免費叉電服務，咁當你去到影灣園時，就可以好瀟灑咁係代客泊車嘅地方放低自己部愛車由正門行入去餐廳，而閣下嘅愛車就會由專業嘅職員同你揸落去位於LG層嘅停車場度叉電，同時你如果消費達到指定嘅金額，仲會豁免你首三個鐘頭嘅泊車收費添。

仲有講多少少你哋知，香港揸得電車都會成日俾人垢病一樣嘢就係香港啲電唔係燒煤就係天然氣，同環保大纜都扯唔埋。揸得電車嘅咪又係因為一個「錢」字。但喺平治係影灣園啲叉電設施係透過購買香港電燈有限公司(港燈)的「可再生能源證書」得返嚟，所以真係可以話係零碳充電服務，用依啲潔淨能源叉電仲可以協助達至碳中和，同時又可以支持本地可再生能源發展。而證書中的每度電代表產自 本地太陽能光伏及風力發電系統。平治亦係首個支持港燈「可再生能源證書」的 汽車牌子。