仆街就周圍都有，就算係所謂慈善機構成員，都一樣可以心地唔好！今日我哋 #汽車台 嘅女小編就遇到一個。
事緣今日女小編揸住佢部電動車，需要喺將軍澳中心泊車充電，點知一如平日充車位都係常滿。不過喺電動車充電位上，就泊咗一部掛有 #國際獅子總會中國港澳三O三區 會徽，車牌 #NT630 嘅豐田 Alphard 喺上面。如是者女小編就等咗半個鐘，車主都仲未返嚟，所以就唯有通知保安搵人嚟鎖車喇！
喺差唔多時間，Alphard 嘅車主就返嚟攞車喇。女小編就提醒對方下次唔好霸住個充電位，或者放返聯絡電話喺車頭。
點知 Alphard 嘅男司機就走埋女小編部車隔離話自己無錯。咁啱有位女士拖住個女經過，見到男司機喺度好肉兇緊我哋嘅女小編，就埋嚟幫口同佢講：「呢度充電車位嚟㗎⋯⋯你唔好泊入去啦！」
但係 Alphard 男司機一於少理，繼續話女小編「盟塞」，講多兩講唔夠講仲講埋粗口㖭！最後仲好晦氣咁話：「我依家就係唔走！等你無得叉！」不過當我哋女小編提醒佢一句：「而家保安嚟緊鎖你車喇，話聲俾你聽呀下！」之後男司機竟然死死地氣上車開車走！
喂，唔係話攬炒唔走㗎咩？仲咩一話你知通知咗保安竟雞咁腳咁走？#獅子會 唔係「鼓勵人們竭誠為社會服務」咩？啲疑似成員連自己嘅紀律都未搞得掂，仲點服務社會呀？
#獅子會係藍嘅 #人一藍 #腦便殘
#獅子會不過是一班充闊佬嘅所謂有錢佬嘅社交平台
#獅子會除咗西貢個茶座都唔知有乜慈善作為
#女司機易恰啲 #對唔住 #你揀錯人
#你唔好彩遇著我哋
#林作都被恥笑入錯咗我哋呢間武館
Be the first to comment