星期日嘅朝頭早 唔撞唔知車身好？

話說之前寫過一篇關於唔同地方賣嘅同款車，喺車輛安全上有關乎生死嘅分別。

歐、非車款同一名 撞起上嚟唔同命

2020年3月22號朝早，路過港灣道/菲林明道交界嘅話，就會再一次見識到唔同嘅車輛設計，尤其係車身唔同部位，喺車禍中會有咩分別。

事緣有一架市區的士（即係豐田金丰）喺路口撞埋一架Audi A6（希望無認錯款）嘅左側，結果塞住咗菲林明道天橋南行線，搞到灣仔（北）部份公共巴士無法服務市民。

車禍起因就留返畀 相信係 專業嘅警方交通意外調查組去跟進，不如去睇吓兩架涉及今次車禍嘅車輛：

Typ 4F版嘅Audi A6係2004年產物，根據歐盟新車安全評鑑（EuroNCAP）對佢嘅評分，喺側撞測試係有4星。

至於豐田金丰喇喎~原型係1995年推出，專門設計畀「商業用」（即係慳得就慳），加上日本法規當時嘅要求比較簡單，所以相比就係坊間所講嘅「紙皮車」。

以上呢啲差異，呢次輕微嘅車禍就展現咗喺「實戰」上有幾大分別。

如果你有私家車，不妨又諗吓你架車設計係點…（⊙＿⊙）