渡車船遊河重臨 「貴咗」惹網民不忿？

無得出境旅行好悶呀？留喺香港周圍去吓囉！

無乜地方可以擺車呀？擺埋上船遊吓船河囉！

嗱，是咁的，唔係講笑，香港小輪集團經旗下洋紫荊維港遊喺2016年開始推出懷舊汽車渡輪遊，每次再辦都吸引唔少「老香港」同「扮係老香港」嘅車友參加――嚟到2021年，佢哋暫定7月同埋8月會再搞6場：

每人收費港幣190蚊、每架「汽車」（私家車／電單車）收費港幣250蚊、每架單車收費港幣150蚊――值得留意嘅係，同開頭幾年唔同，呢次指明車輛收費之下係完全「唔包人」，即係唔計折頭，揸車上船起碼要港幣440蚊，而且每團航行時間仲要短咗15分鐘――有網民就直指咁樣變咗「唔抵玩」囉！(╯°Д°)╯ ┻━┻

究竟一句「大家支持吓本土企業…唔好嫌貴啦！」或者「人哋啲員工唔識光合作用㗎！」又夠唔夠「照」呢？(´-ι_-｀)

不如大家睇返之前汽車台參加2020年「懷舊汽車渡輪下午茶自助餐」活動之後嘅報道，然後再諗諗(●´ω｀●)ゞ

搭吓港輪渡車船 懷舊寫意又逍遙？