話說之前本台有講過，「車」係唔撞唔知結構好唔好… （￣＿￣）
即係咁…2020年9月25號傍晚近6點，中環長江集團中心停車場地面出入口，一架紅色Tesla轎車由皇后大道中駛入停車場嗰陣，司機報稱車輛失控，突然「暴走」，剷上路緣石，撞爛長江集團中心放置嘅裝飾假花，再同對面線一架白色寶馬轎車迎頭相撞。
車禍後，2架車嘅車頭都睇落損毀嚴重，車牌甩埋，車廂所有安全氣袋都有彈出保護乘客。至於現場嘅圍欄同牆壆亦有損毀，裝飾石板都被撞甩。
雖然話車頭都睇落損毀嚴重，不過由揭開咗嘅車頭蓋望返入去，其實車身結構發揮到應有嘅功能，適切咁吸收咗撞擊時嘅能量。
結果嘛，當救援人員接報到場，只有寶馬轎車上面1名女乘客因為心口同個肚有痛感而要去瑪麗醫院治理。
至於車呢~當然就要靠拖車拖走，而車禍實際起因，就留返畀 相信係 專業嘅警方交通意外調查組去跟進。
又…有無諗過如果2架車唔係跟美國同埋歐盟嘅安全標準，就算唔係高速撞擊，結果都可能好唔同？
再又…話得說回頭，有個道理好似係咁…
全面禁車就無車禍啦！
（拍手、跳起、yeah！）
Be the first to comment