豐田 JPN Taxi 1:24 Aoshima 模型「開箱」

由日本 青島文教  Aoshima 生產的 1:24 Toyota JPN Taxi 組裝模型日前已經有售,有砌開模型嘅 阿 Lim 亦忍唔住手,去咗深水埗 福利模型 入貨一盒,同打算準備「變身」成香港版的士。

預計工序仲有排搞,先俾張 開箱圖 各位過吓目。

大家應該想問,明明生產商提供一黑一白兩款車殼選擇,要變身香港的士 (不論市區的紅銀、新界的綠白、大嶼山的藍白),不是白色較容易嗎?為何會會黑色攞苦嚟辛?

留意上圖,盒面所見嘅車呤款式有所不同;事實上,Aoshima 一直以來「盒面所見等如盒內配件」── 就是因為一黑一白兩款車殼的配件安排,連車呤款式都唔同,而黑車車殼的車呤先至與香港版的真車規格相同,要「迫真」就必須用黑色車的了。

無錯,黑色車殼要「做底灰」,但其實任何資深模型玩家,不論車殼顏色都一定會做除水口 + 車身輕度打磨 + 噴畢地 呢三個工序,所以車殼顏色絕不是問題,反而四條呤先至更重要,因為「無得改」

另外俾定少少 Tips 關於車身顏色。想簡單啲用罐裝噴油,我有以下建議:
市區的士:Tamiya TS8 + TS17
新界的士:Tamiya TS35 + TS26
大嶼山的士:藍色一定無,最接近係 Gunze Color #323,要用噴筆。

暫時睇住咁多先,「開工」之後先至再 update 同講解工序。

Be the first to comment

Leave a Reply

Your email address will not be published.


*