2023年5月31號夜晚汽車台收到有人報料，話有架平治嘅司機無啦啦擺咗架車喺馬路邊自己走咗去…話說大家會話「違例泊車？周街都係啦！有乜好講呀？」重點嚟喇，不如大家睇相先啦！
係呀，你哋無睇錯呀！呢次平治嘅司機就係擺低咗佢架車喺正何文田公主道10號聖約翰救傷隊九龍救護站…
唔知究竟司機係咪因為有要事定係飲大咗唔方便自己揸車，總之佢就喺正救護站擺救護車嘅位置對開急急腳掉低咗架車，然後失去蹤影。
阻住救護站嘅救護車出入？
天理難容啦！
無錯，所以佢哋都好快報警求助，警察嚟到搵唔到司機，而違例泊車搞到阻礙救護站就當然唔會淨係畀張「320」佢啦！
呢架平治嘅司機，如果發現自己架車唔見咗，不妨聯絡警方交通部，去汽車扣留中心攞返啦！
（事發經過照片由突發人員群組提供）
Be the first to comment