【馬路炸彈】私家車司機逆線駛入大坑道

讀者報料 今日 (9 Oct) 傍晚大約18:50，一部銀色 豐田 Picnic 由銅鑼灣道聖瑪利亞堂後右轉大坑道單程路逆線行車。事件中幸未有發生交通意外。

雖然銅鑼灣道東行並沒有豎立不准右轉路牌，但大坑道出口左右兩方均有不准駛入的路牌。縱然「天色已漸沉落日如霧燈……」，但見到密密麻麻嘅巴士同小巴單方向排隊，都應該「醒水」。再者，即使趕時間，唔夠500米距離就係「上橋位」可以往勵德邨方向上山。

鑑於報料未能影到清晰車牌，亦由於 港共軍政府衛隊 只顧濫捕濫殺執行政治任務 (就連指揮交通都只圖製造擠塞誤導輿論)，故此本台只作出報導予各方公審，但有關司機的一切後果概與本台無關。

本台勸喻所有司機，不論你揸乜嘢車，睇路牌及遵守路牌指示就係必須負的責任，切勿貪圖方便。你要死你嘅事，唔好累人累物。唔識睇路牌就唔該劈低車匙或賣咗架車，做返乘客！