【車壇隨手寫】軍政府租的士做戲?使費計一計

噚日(25Aug) 除咗扑玻璃之外,仲有的士尾箱藏有圓管狀金屬物品 (嗱,唔好話我哋咁寫,黑警 無話係攻擊性武器吖嘛)。有網民發現該部的士夜晚泊咗响某個唔知依家仲係咪應該叫警署嘅地方,然後又話要搵霞姨出嚟收飯盒。

雖則要召喚霞姨嘅可能性都唔細,但無得 Fat cheque 即係仲有其他可能性。不過咁,假設又係一場折子戲,大家可能好想知道邊度搵架車返嚟,使咗幾多錢。我哋當然就去請教吓業內人士搵啲資料俾大家參詳吓。

要租車,好簡單。行入去的士車行,或者打個電話,然後車牌身份證,俾租俾按金,劃埋龜,跟住就「雙規」── 約定時間同地點攞車,咁就可以了。

要俾幾錢?
舊款 Comfort 四座位,星期日日更租金:大約$370
石油氣:行足一更大約 $200,行唔足就梗係唔駛啦。
的士司機證:$95
按金: $3000 – $5000 (還車時退回)

唔計按金,成本唔使七舊水。不過塊尾玻璃扑爆咗,按金就係咁先咯。然後仲要賠返塊玻璃,又三千銀…… 真係嗱埋無一萬都八千。

好地地做生意咪好囉,呢期可能搵少咗,但咁樣為党效力,唔好話党會俾返你簡直想創你個心,王主任會記得你嗎?

又如果真係要霞姨出嚟收飯盒嘅話…… DLGH 咪又係公帑找數,我哋啲錢嚟㗎PKHKC!

Be the first to comment

Leave a Reply

Your email address will not be published.


*