寶馬深信只有不斷創新、突破自我，先至能夠一直引領呢個汽車牌子以至汽車行業邁步向前。2023年聖誕，寶馬呈獻再次刷新自我極限嘅頂級純電旗艦房車——寶馬 i7 M70 xDrive，仲會喺繁華璀璨嘅維多利亞港海旁，用大型聖誕裝飾球裝置彰顯「王者駕臨」嘅氣派，引領公眾同寶馬 i7 M70 xDrive 首次見面。
寶馬汽車(香港)有限公司（寶馬香港）會喺 2023 年 12 月 13 號到 2024 年 1 月 8 號期間，去到尖沙咀 K11 MUSEA 地下「Promenade」呈獻「The Symphony of Joy」聖誕展覽，慶祝寶馬i7 M70 xDrive 首次現身香港！
用咗「聖誕裝飾球」作為構思設計而成嘅大型裝置，配上巨大蝴蝶結作為點綴，成為維港旁矚目焦點，寶馬 i7 M70 xDrive 就喺入面高貴現身——定調咗咩叫「頂級奢華」。
公眾可以走入展覽台入面同寶馬香港呈獻畀所有人嘅聖誕樹以及燈飾影相「打卡」，利用呢個高雅氣派嘅節日燈飾襯托出寶馬同你以至親朋好友一齊歡聚聖誕佳節嘅特別時刻。
| 寶馬香港呈獻「THE SYMPHONY OF JOY」聖誕展覽 | |
| 展覽日期： | 2023 年 12 月 13 號（星期三）~ 2024 年 1 月 8 號（星期一） |
| 展覽時間： | 10 ~ 21 時 |
| 展覽地點： | 尖沙咀 K11 MUSEA 地下 Promenade |
奢華優雅加埋時尚個性嘅設計，盡顯寶馬 i7 M70 xDrive嘅磅礡氣派。呢次「聖誕裝飾球」入面嘅寶馬i7 M70 xDrive仲係選配埋 M 系性能套件，同高光黑色包圍嘅「鬼面罩」完美結合。車頭設計重新詮釋出雙頭燈加上「寶馬樣鬼面罩」2種經典品牌元素，極盡尊貴。
寶馬 i7 M70 xDrive 嘅車身同埋車尾上嗰啲標誌性 M 系設計特徵，好似係帶有獨特雙間條設計嘅 M 系側鏡、引人注目嘅 M 系側裙板，仲有帶有車型專用擾流器嘅後裙板，每樣都強烈呈現出頂級車型以極致動力為主嘅個性。
車身噴漆選擇亦都展現時尚風格，車主可以由超過 100 種「BMW Individual」特殊漆面當中揀出自己最鍾意嘅顔色；雙色調漆面仲可以同「BMW Individual」特殊漆面結合使用，包括一向都特別顯出高檔格調嘅「BMW Individual Liquid Copper metallic」同埋「Sapphire Black metallic」 。
與此同時，寶馬一直致力喺各個層面範疇實踐「可持續發展」嘅環保理念，「Frozen」漆料採用源自生物質而唔係石油嘅創新製程生產，使用可持續原料，傲然樹立電能汽車環保指標。
寶馬 i7 M70 xDrive一系列頂級配備為「豪華」賦予全新定義：車廂入面嘅BMW Interaction Bar加上具有最佳化傾斜功能呢行政後座空間 ，呈現先進奢華感，帶嚟舒適愜意嘅旅程。獨特嘅 31.3吋影院螢幕以及「Bowers & Wilkins」環迴音響系統仲將後座變成移動專屬私人影院，每段路途都有最佳影音伴隨 。寶馬i7 M70 xDrive 車廂入面嘅 M 系獨有設備細節同樣將運動風格發揮得淋漓盡致，標準配備包括 M 系發光門檻飾條 、附有獨特設計嘅「Merino」皮革內飾、M 系皮革軚盤以及BMW曲面顯示屏上嘅 M 系獨有顯示器。
另外，寶馬 i7 M70 xDrive同時連接最新BMW iDrive 8.5系統，BMW iDrive、BMW 曲面顯示屏以及 BMW 智慧個人助理，三者均匯聚喺寶馬i7 M70 xDrive入面，而 BMW iDrive的「QuickSelect」功能可以畀用家整理常用選單結構，透過正確位置顯示相對應訊息，貼心及顧每位用家。
寶馬 i7 所使用嘅第5代 BMW eDrive 科技同樣不斷改進，從而提高效能。寶馬 i7 M70 xDrive喺前軸以及後軸上配備高度整合嘅驅動組件，將電動摩打、電力電子設備、波箱三者結合喺同一外殼入面。驅動系統嘅 M 系獨有配置能夠使到寶馬 i7 M70 xDrive 嘅後軸摩打達到前所未有嘅功率密度等級，而採用「電流勵磁同步」原理嘅 M 系獨有設計更加使到寶馬 i7 M70 xDrive 嘅電動摩打功率值推到 2.41 kW/kg，呢個係目前寶馬最強大嘅電動摩打。驅動後軸嘅摩打最大輸出功率係 360 kW / 489 hp，連埋前軸嘅190 kW / 258 hp 電動摩打精確協調交替，組成電動全輪驅動系統，喺「Sport」模式下產出1 015 Nm扭力，若果啟動「M Launch Control」或者「M Sport Boost」功能，扭力仲可以去到高達1 100 Nm。寶馬 i7 M70 xDrive 可以喺短短 3.7 秒之內由靜止加速到100km/h，足以令人印象難忘，更加係目前最快嘅純電動 BMW M 系座駕。
除咗強悍性能輸出之外，寶馬 i7 M70 xDrive 更加結合咗極致運動效能同埋長距離續航力，車輛底部設有可用能量係 101.7 kWh 嘅動力電池模組，令到座駕能夠喺「世界輕型汽車測試規程」（World Light Vehicle Test Procedure，WLTP）測試標準中達到 488 ~ 560 公里不等嘅最大續航里程。透過使用嶄新的「MAX RANGE」增程模式，可以揀選限制驅動功率以及最高速度，並且暫時減少部分功能，嚟到保留電量增加行駛里程大約 15 ~ 25%，展現出色長距離續航力。
| 寶馬 i7 M70 xDrive | |
| 電池容量 | 101.7 kWh |
| 最高續航力 (WLTP) | 488 km ~ 560 km |
| 最大馬力 | 660 hp |
| 最大扭力 | 1 100 Nm |
| 0-100 km/h 加速 | 3.7 s |
| 車身（長 x 闊 x 高） | 5 391 mm x 1 950 mm x 1 544 mm |
| 2023年「一換一」後售價 | 港幣 $2 899 900 起 |
Be the first to comment