Hyundai Staria 準備就緒?

一直有消息 Hyundai 香港將會輸入 Staria 多用途車，代理「現代香港」亦响去年11月透過其 Facebook page 放風將會在2022年引進香港，不過預計會係客貨Van 版本。事隔近三個月終於有新消息。

日前本台友好拍到一部白色 Staria 客貨 Van 出沒，即是可以肯定 Prototype 已經到港。同代理「現代香港」打聽吓是否已完成 Type approval 驗車，準備正式登場，佢哋只係笑笑口話「事事順利，稍等一下」，聽口氣似乎接近準備就緒。

從原裝「諜照」見到車尾貼上 2.2D 標章，即係可以確定代理網站「放風」配用嘅引擎就是2.2L 177PS。

順帶一提，本台澳洲特派員麥師傅早前嘅「開箱文」

【澳洲車壇消息】韓國現代 Hyundai Staria

雖然係香港市場可見將來「唔駛諗」嘅八人MPV，但外形、機械規格、設備同引入香港嘅大同小異。對呢款Van 有興趣嘅不妨先細讀，攞定多啲參考。