石澳朝早車禍 騎士被撞 兩車起火

2021年12月26號朝早大約7點半，石澳道近鶴咀道發生車禍，消息指涉及電單車同私家車。

由網上流傳嘅相片可以見到，現場路面有碎片，相撞後兩車都有火光。電單車司機被撞後，倒臥路邊，鮮血由頭盔邊流出。

網上流傳嘅影片入面可以見到，火勢一度波及山坡植披。

當局接報後派出警員、消防員、救護員到場處理。

警方現正調查今次車禍，而來往石澳嘅交通一度嚴重受阻。

汽車台謹此冀望涉及今次車禍嘅各人平安，亦呼籲各位道路使用者細心留意路面狀況，以防不測。