心理變態女司機恰路試考生

即係咁，唔好話個標題起到咁「喪」，睇返當事人個 post，除咗「心理變態」，可能要用粵語殘片知名角色李奇嘅一句金句對白「你呢個人渣敗類」

又即係咁，呢條「臭H」嘅所為，正宗損人不利己。好話唔好聽，頂盡俾你快一個燈位，咁又如何呢？累到個考生 failed，又有乜為呢？

雖然「學神」同考車阻住條路真係好黑人憎，亦因而有啲人曾經經歷過類似事件，於是乎有咗個牌就「過返呢啲癮」，或者出返一口氣，但容許我講句佛偈「冤冤相報何時了呢？你隊冧害你要重考嗰個仆街司機就係話報仇啫，你呢啲叫禍及無辜，積孽嚟㗎」

亦所以，諗嚟諗去點定個標題，最後都係用返「心理變態」呢四個字，直接得嚟一定可以順便「呃LIKE」嘛。

無錯，呢啲突如其來嘅情景，做嗰個果真係夠晒仆街，要報仇係應該要搵佢，但其實有一個更可以肯定係仆街之根源，直情罪魁禍首，所講嘅就係香港嘅駕駛考試評核准則。

先此聲明，唔係為呢條叫 Emil Lam 嘅八婆與及一眾曾經玩9路試考生嘅仆街司機開脫，亦唔係「各打五十大板」，好簡單咁講，考牌制度唔單止同現實完全脫節，更是任何突發場面都必定「肥」，踩迫力就「23. 停車未有查看交通情況」，唔踩迫力就 「34. 不顧及其他道路使用者」，唔止肯定留下「被『玩』」嘅空間，亦可以話「煽動仇恨」嘅根源。

但更大更大 更大更大 更大更大 更大更大 更大更大 更大更大……. 嘅問題就係「既然考牌嗰陣任何突發嘢都係肥，就倒不如 丟狸鹵味 話柒之其他人同車死」，正經啲講就是毫不知道如何應付突發情況。更清楚睇到考牌制度唔止「煽動仇恨」，運輸署直情可以多一個別稱「馬路炸彈製造無限公司」

就算最基本嘅 Marking scheme 車速唔可以超過35km/h，讓線踩停，停線拉手制…… 全部嘢都係幾十年前嘅要求而慢幾拍，已經可以肯定係向一般駕駛者「煽動仇恨」對學車人士同路試考生囉。

所以，嗰條八婆一定要繼續「唔好客氣」，對「馬路炸彈製造無限公司」直情要DKLM 祖宗十八代啦。

後記：我哋有一個「考牌冤案錄」嘅專欄。


如果你認為駕駛考試過程有任何不公平、不公正之處，可以交料俾我哋。雖然現實未必可以幫你翻案，但儲儲埋埋夠多冤案的話，運輸署唔做嘢盞自己唔要臉囉。