油麻地停車場告別前夕與你最後一遊

就連政府文件都一直宣稱有逾60年歷史嘅油麻地停車場，予市民最深印象莫過於加士居道天橋插入其中。

一直以來，坊間都以為天橋係响停車場大樓拆牆鑿柱嘅鬼斧神工所建築，但真相原來係整幢停車場大廈分兩期興建嘅過程當中，併入第二期工程時設計及建造而成。

HK Bus Channel – EP08
新加坡 SBS Transit Volvo B10TL Volgren CR222LD body 雙層巴士飄洋到香港

除咗「加士居道天橋鬼斧神工」呢個美麗的誤會之外，整幢停車場嘅落成時間比官方所宣稱嘅遲咗足足 1/4 世紀；即使位於行車天橋嘅北面，即靠近榕樹頭公園一邊嘅第一期部份，亦並非响政府資料載述的1957年落成，實際啟用日期係1970年10月13日。

事實上，停車場入面一直保存住整幢建築物分開兩期興建嘅證據，例如應該有唔少駕駛人士抱怨有斜壆嘅「特色泊位」。

隨住停車場在年底關閉然後拆卸，以後你想「怨住嚟泊」那些會容易刮花車身「特色泊位」或是狹窄得難以上落車嘅泊位，都無得再泊；

另一方面，附近區域在過去二十多年有近百個路邊錶位被取消，現存嘅更可能被商舖非法佔用，日後你只能抱怨要冒險「錶板擺低三百二」然後仲要被那些只會叫喊「成功爭取」但不會社區規劃嘅政客附和於「加強執法取締違泊」輿論貼上「阻塞交通罪魁禍首」標籤。

回顧油麻地停車場在1960年代籌劃興建嘅歷史，當時嘅香港經濟環境並不富庶，汽車數目還未多如繁星，但港英政府仍作出長遠、宏觀嘅計劃。相對眼前嘅所謂特區政府，莫講話拆停車場兼刪減錶位，就連有合適規劃路邊泊位嘅路段也不去作為，絕對能完全證明「抄牌好搵過楝咪錶起停車場」絕非陰謀論之說，也引證現今嘅香港社會充斥怨氣係「事出必有因」。

HK Car Channel 今次由「判官」同「阿Lim」趁油麻地停車場告別前夕，同你翻閱逾半世紀歷史作最後一遊。