【日本】轎車攔軌列車撞 幸好現場無人亡

當地時間2021年3月26號凌晨0008時左右,日本JR常磐線1列10卡編成、由品川開去勝田嘅E531型列車,喺茨城縣土浦市JR常磐線土浦站同神立站之間嘅路軌道同1架逃避追捕結果攔喺路軌上面嘅轎車相撞,並且起火。

©谷口哲雄《朝日新聞》(當地時間2021年3月26號約06時)

根據土浦警察署嘅說法,事發地點位於土浦火車站以北約3公里。事發後列車有一部分出軌,轎車同列車頭卡起火燃燒,火勢大約一句鐘後被撲滅。

現場消息指列車上有64名乘客同車務人員,全部無受傷。警方認為,呢架轎車係由路軌旁道衝過圍欄進入路軌,但轎車司機失蹤,警方正在調查轎車司機行踪。

根據JR東日本水戶分公司所講,因為今次車禍,土浦同羽鳥之間嘅特急列車暫停服務。另外,佢哋亦減少咗取手同土浦之間、羽鳥同水戶之間以及水戶同磐城之間列車班次,但無安排巴士替代服務。

喺香港,如果講到一般汽車會同鐵路車輛相交,可能大家都只會諗起電車同輕便鐵路,但又有幾多人記起以前九廣鐵路(英段)都有同道路相交?

©TK

又其實相關嘅「平交道」去到今時今刻仍然存在喺港鐵東鐵綫,不過隨著起好咗替代道路,呢啲「平交道」已經陸續失去日常用途,下次有機會不妨留意吓。

Be the first to comment

Leave a Reply

Your email address will not be published.


*