福士汽車：中國汽車工廠因晶片供應短缺而可能停產

【綜合外電報導】作為中國汽車製造業最大外來投資嘅德國福士汽車 (Volkswagen AG) 指出，因武漢肺炎大瘟疫全球擴散導致大量生產晶片工廠停工，與及物流供應鏈受到阻延，製造汽車需要採用嘅晶片等半導體供應將短缺甚至出現斷層，而由於中國欲全面恢復包括汽車製造等嘅工業運作，導致晶片嘅使用量急速上升，當晶片庫存用罄就要停工。

福士汽車回應包括路透社 (Reuters) 等傳媒機構嘅書面查詢訪問時指出，現今汽車上的各種高科技電子設備，例如 緊急剎車 EBS、越線警示 Lane keeping、引擎監測 ECU 等等，在生產呢類設備零部件時都必定要使用晶片，但武漢肺炎席捲全球，工廠因為有工人染疫而要全面停產最少兩週，加上物流運輸同樣受到影響，因此晶片以至各類零部件嘅供應都出現緊張。

歐洲主要汽車零件生產商 Bosch、VDO 亦承認晶片供應出現緊張嘅情況，預計問題會持續6-9個月。

路透社另外訪問咗德國半導體生產商英飛凌(Infineon Technologies AG) 及荷蘭嘅恩智浦半導體 (NXP Semiconductors)，不約而同表示近期晶片需求增加。

明明武漢肺炎搞到全球各國經濟下滑 (除咗台灣) ，道理上汽車銷售需求應該下跌，因此應該不會增加各類零件嘅需求。福士向傳媒爆出中國某方面要求各類工廠全面恢復生產，包括汽車製造業。雖然各家公司以書面回覆傳媒均沒有「加鹽加醋」，但從報導嘅內容似乎解釋晒晶片供應問題嘅原因，而且還引述受訪嘅幾間公司指出，晶片供應問題將影響全球汽車生產供應，但各間公司均已尋求對策，包括調整供應鏈等等，盡量減低影響。

順帶一提，美國對中國實施多項涉及貿易嘅政策，其中一項就係限制各國企業向中國出口晶片。