近月香港官民持續衝突，有人話市面上警察近乎只負責做戒嚴任務，反而一般輕微事故就無警問津。
所以近月香港各區都出現「違泊放題」，唔太影響到其他人嘅話大都「隻眼開隻眼閉」…不過隨著有傳媒「關心」，警方都開始「做返啲正經嘢」。
根據Car佬·事 Carlos所講，佢喺皇后大道中遇見交通警察正式處理違例泊車。
佢見到違例停泊嘅嗰架起亞已經坐擁3張「牛肉乾」，吸引咗大班交通警察連同9架「二轆」加2架「四轆」到場。
現場警員仲拎電筒對著架起亞周圍照，歷時10分鐘…
輪到另一大主角出場就仲威：拖車係由「鐵馬」帶著，逆線揸去現場做嘢…
原來受過專業訓練、自詡亞洲最佳嘅警察對著一架純粹停定又無人喺入面嘅違泊車輛都要咁大陣仗，如果佢哋面對真人…(=_=)…豈不是要棍棍攞命？
2 Trackbacks / Pingbacks