2019年，香港人面對「反修例」以至從而衍生嘅多項社會改革訴求，半年嚟引發接連對抗政府嘅抗爭活動，出現多次堵路以及損毀公共設施嘅情況，而即使係關心死物多過人命嘅香港军政府，一面號稱大批交通燈被破壞，但一面又遲遲未去修復。
較早前社媒引述佢哋讀者嘅消息，指當局為一啲交通燈電掣箱加咗新嘅保護裝置――加上金屬條，而喺接駁位置嘅螺絲就被膠填封。
而事隔兩星期左右，次文化堂社長彭志銘喺旺角街頭就發現嗰啲交通燈電掣箱保護裝置「升咗級」，佢影咗亞皆老街同彌敦道交界嘅交通燈電掣箱，擺上Facebook畀一眾網民「鑑賞」。
首先睇吓佢喺12月2號晚影嘅相，交通燈電掣箱一如之前社媒報道咁，主要係一支支金屬條。
然後，比較吓同一個交通燈電掣箱喺12月11號晚嘅情景：
明顯見到原本嘅抗爭塗鴉已經被油漆掩蓋，而成個保護裝置變成比較似一個正式嘅獸籠，仲裝埋「鎖頭」位添！
彭社長見到呢個變化，再比照近日香港社會衝突情況，佢都不禁問有乜內情。
係囉~政府幾時先至正規咁做返本份同回應香港人嘅訴求？
Be the first to comment