香港、中國「通關」 跨境巴士再現
香港政府2023年1月5號宣布，經過同中國中央以及廣東省、深圳市政府溝通協調並達成共識，並獲得中國中央批准後，香港同中國由2023年1月8號開始分階段有序恢復兩地人員正常往來，以逐步、有序、全面實施通關。
香港各間提供由香港到中國多個口岸以及城市嘅跨境巴士服務供應商，都齊齊喺2023年1月8號朝早開始恢復提供由香港出發往中國或者由中國返回香港嘅跨境巴士服務。巴台嗰就報道過嗰日朝早喺太子嘅重新出發情況。
跨境巴士逆線大暴走？！
不過，汽車台呢邊就想講吓2023年1月8號嗰日朝早嘅另一件喺業界廣傳嘅驚人事件：
2023-01-08 #粵港直通巴🚌：逆線嚇大家！😲 （呢度真係彌敦道） #由亂入治 #由治及興 #講好香港故事…
Posted by 與鈞同行 / Walking with TK on Saturday, 7 January 2023
🤯🤯🤯相信亦都冇諗過粵港直通巴有巴士司機懷疑弄錯內地駕駛方式和香港駕駛方式在彌敦道逆線行車🤯🤯🫣🫣🫣 #我究竟睇咗啲咩
Posted by 峰仔旅遊運輸服務工作室 on Sunday, 8 January 2023
嘩！彌敦道逆線行車咁精彩？！
汽車台搵到事發時嘅一輯相片，重組返當時嘅情況…
2023年1月8號0945時，1架粵港汽車運輸聯營有限公司（粵港汽車GDHK，「粵港直通巴」）旗下配上Marcopolo Audace1050型車身嘅Scania K360IB4x2型旅遊巴士（車輛登記：LJ3975 / 粵Z HW26港），由西洋菜北街右轉返去「粵港直通巴」位於太子嘉康大廈面向運動場道地舖嘅太子站頭。
運動場道屬於雙程行車嘅公共道路，正常需要靠左行駛，不過呢架「粵港直通巴」嘅旅遊巴士喺轉入運動場道之後就直接靠右行駛，期間仲遇到有車由彌敦道啱啱左轉入運動場道，形成兩車迎頭相遇對峙！
結果擾攘咗兩分幾鐘，呢架「粵港直通巴」嘅旅遊巴士喺0948時離開…
不過…
司機唔知係咪留意到嗰段運動場道地面劃有「雙白線」就唔「切線」，一直貼著佢自己行車方向嘅右側行車線「逆線」向前行駛——無返回正確嘅左側行車線行駛——之餘…
呢架「粵港直通巴」嘅旅遊巴士去到運動場道同彌敦道交匯嘅路口嗰陣，司機直接無視現場「只准左轉」嘅道路標記以及路牌，直接右轉入彌敦道南行線向北行駛！
幸好當時嗰一段彌敦道南行線嘅3條行車線都無其他車輛行駛，而彌敦道同界限街交匯嘅路口，彌敦道南行線以及界限街嘅車輛交通燈號都係「紅燈」，未有車流同呢架「粵港直通巴」喺彌敦道南行線向北逆線行駛嘅旅遊巴士相遇。
經過使用Google Map粗略計算，今次呢架「粵港直通巴」嘅旅遊巴士，逆線行駛嘅距離：
超過200米！
汽車台另外搵到當時喺運動場道排隊等「派飯」嘅長者街坊憶述返當時嘅反應，佢哋話起初仲覺得「有巴士行有乜出奇」，事發後心入面窒一窒先至諗起「嗰個司機唔應該右轉」，亦表示「好彩無其他車行緊…如果撞到其他車…尤其係巴士站啲雙層巴士…咁就真係好大件事」。
安已不 警要報？
當今次跨境巴士九龍鬧市逆線大暴走事件嘅相片喺網絡社交媒體以及智能電話流動通訊程式廣傳之後，網民紛紛表示要「小心自己命仔」，而且仲話「應該要報警」！
但係…是咁的…即係咁講…
其實嗰一段運動場道咪就有旺角警署嘅車輛出入口囉！
而且，汽車台仲收到以下呢張相：
事發時咁啱有警察巡邏車喺正側邊行過喎！
嗱…香港警察呢…就…
1 Trackback / Pingback