Scania 流浮山維修中心開幕典禮暨 Scania Super 車系發佈

來自瑞典嘅 Scania，除咗出色嘅低耗油量同優秀可靠性而深受本港貨運及客運業界歡迎之外，高效嘅售後服務更是重要嘅因素。Scania 香港隨住上水維修中心所在地即將拆卸，遂於元朗流浮山開設新維修中心，今日舉行揭幕儀式。同場並展出瑞典廠方最新推出的 “Scania Super” 貨車車系，讓一眾來賓參觀新維修中心之餘，能了解 Scania 於驅動及環保技術的發展方向。

Scania 元朗維修中心座落於屏廈路249號，佔地約 90,000平方呎，當中劃出16個維修車位，增設具備空調嘅 Clean room 用作維修引擎及電動車工序，大大改善工作環境，冀能提高維修保養服務嘅效率；另外，零件部亦將位於其中，為一眾 Scania 車主提供一站式售後服務。

Scania (Hong Kong) Ltd. 董事總經理 Clement Raimbault 响典禮上致詞時表示，期望新維修中心於9月30日正式啟用之後，與昂船洲維修中心能為車主提供更佳嘅售後服務支援，令到佢哋對 Scania 充滿信心。

另一方面，承如文首提及嘅可靠性及耗油量表現，Scania 並未有就此滿足，繼續為此與及環保減排作出努力。廠方於早前推出的 “Scania Super” 貨車車系，香港分公司亦正式引入，並於今日嘅開幕儀式上正式亮相。

其實 “Scania Super” 主要是新動力系統，包括全新嘅引擎、波箱、驅動車軸。

排氣量13,000cc 嘅引擎為全新設計，採用「孖頂CAM」雙頂凸輪軸 (DOHC) 構造 _{(聽到都覺得瘋狂)} ，能大大提升進氣效能，配合 Scania Twin-SCR 後處理系統，使引擎動力輸出有更好嘅發揮。另外，全新 Opticruise G25 / G33 波箱不單有全新嘅齒比佈局，更是突破性嘅採用鋁合金外殼，不單達至減重效果，內部結構亦改善潤滑油流動分佈，令到動力傳送更暢順及提高耐用性。尚有 R756 驅動車軸，有更宏闊嘅尾牙比例選擇，更切合各類型運輸業務所需。

或許對於運輸業用家而言最重要嘅係，Scania 廠方進行咗測試呢套新嘅動力系統嘅耗油量比原有嘅DC13引擎配搭節省8%耗油量，更是可以使用 HVO 及 B100 生物柴油。真正可以減輕成本。