港澳包車二千一 防疫招徠咁都得？

即係咁，新型冠狀病毒（武漢肺炎）大爆發嘅情況之下，香港市民高呼全面「封關」（編按：即係阻隔疫區人員入境），而香港特 衰 區政府至今仍然保持住機場、郵輪碼頭、深圳灣、港珠澳大橋全面開放。

有直通巴士公司一度表示加強連接剩餘開放嘅陸路口岸，被市民炮轟有如「特洛伊木馬」、「吳三桂」…同一時間，喺網絡社交媒體上面，有跨境出租車輛公司亦好好利用呢個時機試圖「發大財」。

根據呢一間自稱港珠澳大橋跨境專車嘅網絡社交媒體專頁發文，佢哋認為疫情之下，包車往返港澳係最安全，因為遠離複雜人群，過關又唔使落車，一車直達目的地，仲講到單程2100港紙好抵！

嗱，過關唔落車，其實令關口檢疫難以實行，大家明唔明點解醫護界咁著緊「全面封關」？

呢間公司自稱澳門合法港澳跨境出租車輛公司，仲要24小時服務，大家唔好亂咁打搞人哋。