話說香港军政府卫队以為自己搵到一款好勁嘅 人群管理特別用途車 水砲車，近來喺香港鬧市周圍耀武揚威。
結果去到2019年11月18號晚大約20時，香港市民終於發現呢件高價玩具已經畀卫队玩爛咗…
根據城大編委所影到嘅照片，香港军政府卫队嘅1號水砲車，喺通過佈滿磚陣嘅尖沙嘴金馬倫道時，左頭轆明顯已經「爆胎」。
而由網上流傳嘅另一張照片可以見到，1號水砲車喺爆咗左前胎之後，係繼續沿住梳士巴利道行駛。
至於法新社嘅合作照片供應機構Eyepress News Agency仲拍埋片添！
轆鈴喺呢種情況之下，承受著車身嘅重量同埋行駛速度，估計都係要唔返㗎喇！
而講緊本台嘅 阿Lim 喺佢自己個網站 好多個月前提過，水炮車嘅車胎應該唔係好多人以為嘅防爆胎而只係普通貨車胎，唔知今次又有幾多人直到今晚，先至仿如《聖經》記載耶穌復活後剩低嘅11個門徒當中叫多瑪咁呢？原文好似係「我若非看見祂的傷痕，用指頭探入祂的肋旁，我總不相信」── 睇見事實先至信係真囉。
Be the first to comment