是咁的…頭先有朋友經WhatsApp轉寄咗一幅Facebook馬路的事討論區嘅截圖，見到喺尖沙咀中港城對開有架紅色私家車擒咗上壆再跨過個花圃，仲似乎揩到另一邊嘅七人車。而網民對紅色私家車司機可以喺嗰個位置撞到咁表示嘖嘖稱奇… (○_○) ..|..
然後諗諗吓，咪住，好似頭先突發組咁啱喺現場，仲報返嚟話好小事㗎喎？！ (●v●) 估多無謂，打個電話問清楚仲實際：
「喂，hi你個hihi仔，中港城炒車單料頭先你話好向左走向右走濕碎嘅？依家馬討講緊條友撞得好kai㗎喎！你頭先有無去現場㗎？定係你昆我㗎？」
『hi你吖，我梗係有去現場啦，嗰時救護車都係到咗一陣，我仲睇住交通差落車…你個hihi兄弟都唔信？hi，割蓆！』
嘟嘟嘟…
然後收到突發組傳返嚟啲相，今朝0810時影嘅…即時大叫「吓？吓？吓？」（懶得描述，自己睇 ↓）
本身紅色私家車只係騎少少壆，睇落司機仲係清醒，救護員喺度，交通警又到咗…喂，究竟之後點樣可以變到馬討張相咁情況㗎？(=_=)”
不過呢個時勢都預咗無得解㗎喇！正如著黑衫就會畀green objects搞到消失於世上、游泳健將會浸死、CCTV去到特定一刻就斷片。
P.S.請突發組飲百事溝鮮奶之後和好返，勿念。
Be the first to comment