歐拉閃電貓，睇落似咩車？

今年八月，英之傑集團取得「長城汽車」嘅香港同澳門代理權。而喺今個月初，亦有網民拍攝到兩部喺中国國內稱為「歐拉好貓」嘅右軚版 ORA Funky Cat 純電動小車，已經靜雞雞咁到咗葵涌貨櫃碼頭。

ORA Funky Cat 呢款細車就睇下代理日後有無機會安排下試駕同介紹啦，而今次要講嘅係同廠喺上年發佈，今年底即將喺中国推出嘅新車－歐拉閃電貓！

国內「歐拉」呢個牌子嘅好貓同黑貓（R1）車系，都係以女性同年輕人作為主要銷售對象嘅小型車。但係品牌旗下嘅中型電動車系就一直懸空，「現在它來了！」

歐拉閃電貓係廠方寄予厚望嘅車型，喺外型上世襲咗歐拉好貓嘅「仿保時捷」式車頭，一對圓圓嘅頭燈的確係幾醒目同標誌性，但車頭外型加上對圓燈，實在太易令人諗起保時捷嘅青蛙外表。車身亦都採用圓潤飽滿嘅線條，斬尾嘅車尾設計更加令成部車睇落真係好似一部縮水版嘅 Panamera。係唔係抄，好唔好睇，就真係見仁見智喇～

歐拉閃電貓定位係中型電動房車，車身長闊高 4871 x 1862 x 1500mm，由車頭輪拱伸延到車身嘅腰線，令到佢圓潤嘅車身上斬有返少許線條。車窗窗邊同車身裙腳都使用咗電鍍飾條，搭配隱藏式嘅車門把手同多幅式嘅運動輪圈，令佢佢保時捷嘅高級行政感嘅同時，斬帶出一份跑格。

車內嘅相片就暫時久奉，但係據外電指歐拉閃電貓車廂內採用對稱嘅設計風格，儀錶板有三個炮筒式嘅儀錶設計（🤡保時捷係用五圈儀錶板⋯），中控台上方嘅顯示屏就係懸浮式設計。

摩打最大功率有150kW，電池提供 500 同 600 公里兩款續航版本，国內售價預估大約 20 萬人民幣左右。唔知日後佢會唔會推出供港嘅右軑版本呢？