消防遇車突攔途 「嘭」咗一聲齊堵路

2019年11月27號朝早8點鐘左右，一架隸屬油麻地消防局嘅油壓升降台消防車沿窩打老道向渡船街行駛、去到上海街路口時，遇上一架由上海街駛出嘅私家車，懷疑私家車司機響應某19時事評論員號召未有讓路畀消防車，最終消防車右邊車頭撞上私家車左邊車頭。

事發後消防員隨即召喚交通警及救護車到場協助，初步相信事故中未有人需要送院。

撞車後兩車攔喺路口，令附近幾條馬路一度癱瘓。由於今次牽涉政府公物，現場處理手續需時，令多班公共巴士、邨巴、小巴未能按時間表服務市民。