電動車時代的另類選擇 凌志LBX小型SUV強勢登場

早一排幾乎乜乜牌子物物車廠都推出電動車應市，私家車市場彷彿已經全部「電器化」。其實，除咗電動車之外，電油車或者混能車仍然是私家車市非常重要一環。

凌志日前（19日）忽然於九龍灣旗艦店推出LBX小型SUV，目測其呎碼比NX要細小，非常適合香港路況，掉頭泊位冇難度。配搭1.5公升3缸VVTi引擎加上第五代Hybrid系統，由鎳氫鋰電池及馬達推動，經e-CVT波箱傳到前輪帶動，綜合輸出135匹馬力，絕對是低耗油之安排。

新車基本設備已經相當齊全，掛上凌志廠徽一定不會令人失望，LBX 入門版 Active 售價$339,900，Active Plus 有18吋黑軨、2-tone車身顏色等升級裝備，只是多付$10,044（連稅）而頂級Relax版則再升級撥片轉波、Mark Levinson音響及全景式鏡頭系統等等等等價值超過10萬圓設備，現只需加$39,990（連稅）就可以享有。

全新LBX已於凌志九龍灣旗艦店展出，有興趣嘅朋友立即去睇睇。