飛鵝山頂可以盡覽香港島同九龍半島嘅景色，日落時份只要望向西面，就可看睇到迷人嘅日落景致，所以經常都深得駕車人士歡迎，喺黃昏揸車上山影「鹹蛋黃」。
呢部豐田嘅 Prius Type R 特別仕樣車，比普通版多咗個本田嘅 Type R 車章，馬力上唔知係唔係多廿匹呢？
但係山上路窄多彎，而且街燈欠奉，一個唔留神就會好飲呢位駕駛豐田 Prius Type R 仕樣嘅朋友咁，直衝咗落山喇。搞到要消防員叔叔上山救你，又要搵人拖返部車上嚟，最緊要係阻住其他人上落山，咁就唔好啦！
辛苦晒消防員叔叔游繩落去救返車主上安全地方！
消防員、救護員，仲有一班行山嘅市民一齊「食花生」
不過話時話，又有芒草襯托，又有一望無際嘅「咸蛋黃」景色，呢一張相又真係幾「文青Feel」喎！唔知大家又有無同感呢？
有日落，有芒草，成件事好文青呀！🤡
部車唔知要擺幾耐先拖到上嚟運走呢？
相片轉載自Whatsapp群組。
Be the first to comment