新田汽車嘉年華 「的士」、「巴士」齊參加

汽車精品商Car Future喺2021年7月25號假新田購物城舉辦「Car Future扭樽汽車嘉年華2021」，以扭樽飄移表演輔以展出一啲較為知名嘅日系跑車，例如豐田「86」、「MR2」，凌志「IS」，萬事得「RX7」，日產「skyline」。

除咗呢啲相對「大路」嘅日系跑車，現場仲有展出一啲相對喺香港叫做「少有」嘅車輛，當中包括由阿倫收藏、1993年出廠嘅柴油版日產Y31型仿「東京無線」嘅綠色塗裝「東京的士」、由獵奇巴士收藏保育嘅日野Rainbow HR1JEEE型、三菱MJ23HE型「日本巴士」。

如果想話「本土風味」重返啲嘅話，現場又有由九巴退役嘅富豪奧林比安12米版本非空調雙層巴士（S3V25 · GK9829）。

其實香港成日都被人話「咁細個地方」，但又有幾多人留意過香港地收埋咗唔少唔同型號、類型嘅經典車輛，要畀公眾可以有多啲機會接觸返嘅話，除咗要搵到地方搞活動之外，公眾參與亦越見重要。不過或許要公眾主動以實際行動支持，路仍然好長。