流動交通執法 vs 流動交通違法

近月香港警務處多個警區都展開「流動攝錄交通執法」，早前2021年3月嗰陣，西區警區就曾經選擇喺堅尼地城採取呢一種交通執法行動。

由網媒記者所提供嘅相片可以睇到，當區警署會喺區內道路以及交叉路口，掛起提示橫額、安排著住制服嘅交通警員，企喺行人路邊或者坐喺有識認嘅警車入面，利用攝錄器材拍攝道路上人同車嘅舉動，相信係以所拍攝到嘅影片舉證檢控違反交通規例嘅道路使用者。

如果話為咗保障各道路使用者嘅權益同安全，利用攝錄去提出更有力嘅證供作檢控之用，聽落…好似可以忍受嘅？

不過先唔講「究竟公權力喺度不斷攝錄普通市民係咪好似有啲唔妥？」，汽車台喺2021年4月19號收到有讀者傳送相片過嚟，並提出一個有關交通問題：

究竟以下相片入面呢架客貨車喺道路上行駛算唔算違反交通規例？

根據汽車台編輯部嘅簡短討論，大家有以下見解：

查閱香港法律相關條文後，得悉第374章第37條有以下規定：

(1)任何人在道路上危險駕駛汽車，即屬犯罪 ——
- (a)一經循公訴程序定罪，可處第4級罰款及監禁3年；
- (b)一經循簡易程序定罪，可處第3級罰款及監禁12個月。
(5) 如對一個合格而謹慎的駕駛人而言，駕駛處於當時狀況的有關汽車會屬危險，會是顯然易見的，則該人亦須視為屬第(1)款所指的危險駕駛。
(8) 在為第(5)款的目的而斷定有關汽車的狀況時，可顧及附着於該汽車的任何東西，或該汽車上或該汽車內所裝載的任何東西，並可顧及該等東西的附着方式或裝載方式。

不過臨尾大家都認同一句社會有共識嘅八字真言：

香港警察 ________

各位都明㗎啦！