連翔道有吊臂車撞向天橋 司機受傷 現場交通擠塞

2021年5月28號朝早9點半左右,油麻地連翔道發生車禍,一架附設吊臂嘅貨車駛經連翔道往荃灣方向時,懷疑因為未有收好吊臂,引致撞向一條興建中嘅天橋。

嗰條興建中嘅天橋由臨時支架支撐,事發後多支臨時支架變形,天橋組件倒冧,壓落貨車車頭,司機被困。

當局接報後派出多架消防車到場,消防員救出被困貨車司機。貨車司機受輕傷,經救護員初步治理後由救護車送往廣華醫院。

運輸署表示,受交通意外影響,連翔道往荃灣方向近民安隊總部嘅唯一行車線封閉,駕駛者可改行其他道路,例如渡船街。受車禍影響,有由佐敦一帶經連翔道入西九龍公路往荃灣方向嘅車輛受阻,需要臨時改為先駛入西九龍公路往香港方向,經西區海底隧道行政大樓掉頭返去西九龍公路往荃灣方向,連翔道、佐敦道及柯士甸道一帶交通繁忙。

Be the first to comment

Leave a Reply

Your email address will not be published.


*